Një vdekje e dyshimtë raportohet të ketë ndodhur mesditën e së mërkurës në rrugën “Ferat Dragaj” në lagjen “Bregu i Diellit” në Prishtinë.

Rastin për Insajderin e ka konfirmuar zëdhënësja e policisë, Flora Ahmeti.

“Rreth orës 13:00, kemi pranuar informatën për një person të lënduar, ) të shtrirë në afërsi të një objekti në rrugën “Ferat Dragaj” në Prishtinë. Policia dhe ekipi mjekësor menjëherë kanë dalë në vendin e ngjarjes, ku nga ekipi mjekësor është konstatuar vdekja e personit (femër)”, tha Ahmeti.

Gazeta Insajderi ju sjell pamjet teksa shihet që nga vendi i ngjarjes është larguar vetura e Mjekësisë Ligjore.

Për Insajderin kanë folur edhe banorët e asaj ane.

“As nëpër banesa nuk po na lënë me hy, qe 2-3 orë është blloku rruga”, i tha njëri nga ata Insajderit teksa shtuan se deri tani nuk dinë diçka për rastin.

Për rastin ka folur edhe Prokuroria. Zëdhënësja Laureta Ulaj tha se rasti i gruas ka të bëjë me vdekje në rrethana të dyshimta.

“Ju njoftojmë se prokurorja kujdestare nga Departamenti i Krimeve të Rënda ndodhet në vendin e ngjarjes me njësitë e tjera relevante. Është gjetur një trup pa shenja jete (femër). Sipas infomatave fillestare nga vendi i ngjarjes rasti ka të bëjë me vdekje në rrethana të dyshimta, mirëpo Prokuroria në koordinim me të gjitha institucionet relevante janë duke i ndërmarrë veprimet e nevojshme hetimore per t’i ndriçuar të gjitha rrethanat e këtij rasti. Pas ekzaminimeve nga vendi i ngjarjes, trupi i pajetë do të dërgohet në IML për obduksion”, tha Ulaj për Gazetën Insajderi.

Insajderi ju sjell edhe pamjet nga banesa ku dyshohet se ka ndodhur rasti.

IN Promo Marketing

Furnizohu sot, dhuro shpresë nesër

Kompleksi JONI – Jetë e qetë në zemër të “Prishtinës së Re”

VIPA sjell risi në treg: MAXI tashmë i disponueshëm me dy shije të reja