Modelja Kejvina Kthella ka qenë një prej personazheve më të përfolur gjatë këtyre ditëve.

Kjo pasi gjatë një debati me këngëtarin Luiz Ejlli mbrëmjen e së shtunës, ajo e goditi me shuplakë konkurrentin e Big Brother VIP Albania.

Mu për këtë shkak, produksioni mori vendimin që mbrëmjen e së martës ta përjashtojë bukuroshen bionde nga shtëpia më e famshme në Shqipëri.

Mesa duket eksperienca në Big Brother VIP Albania ka qenë një ogur i keq për Kejvinën, pasi siç rëndom ndodh te shumica që të fitojnë ndjekje më të madhe në BBV – me të në fakt ndodhi e kundërta.

Po të shohësh Instagramin e saj, mund të vëresh se që nga hyrja e saj në spektaklin më të ndjekur të momentit, Kejvina ka humbur mbi 20 mijë ndjekës.

Ajo kishte plot 817 mijë ndjekës në llogarinë e saj zyrtare në Instagram më datë 24 dhjetor 2022, kur edhe u fut brenda shtëpisë së Big Brother VIP Albania.

Profili i Kejvina Kthellës në hyrje të Big Brother VIP Albania (Foto: Kejvina Kthella/Instagram)

Ndërkohë që pas daljes së saj të martën, Kthella ka vetëm 788 mijë ndjekës, që i bie rreth 30 mijë ndjekës më pak.

Raporti i humbjes së ndjekësve të Kejvina Kthellës në Instagram

Por krejt e kundërta ndodh me konkurrentin e saj kundërshtar brenda shtëpisë së Big Brother VIP Albania, Luiz Ejllin, i cili e nisi me vetëm 600 ndjekës aventurën e tij në BBVA dhe tani ka afro 240 mijë sosh.

Raporti i shtimit të ndjekësve të Luiz Ejlli në Instagram

Një humbje të vogël ndjekësish ka pasur edhe prezantuesja e programit, Arbana Osmani, e cila kishte dy mijë ndjekës më pak deri në momentin kur produksioni i BBVA ndërmori masa ndaj veprimit të Kejvinës.