Orkestra e Filharmonisë së Kosovës në këtë koncert, i cili organizohet në bashkëpunim me Chopin Piano Fest – Prishtina, vjen me një program të veçantë.

Ky koncert do të mbahet të hënën (29/05/2023), ora 20:00, në Klan Arena, Prishtinë.

Nën drejtimin e mjeshtrit britanik Robert Guy, orkestra do të interpretojë ‘Finlandia’ nga Jean Sibelius si dhe premierën kosovare të ‘Koncert për piano nr. 3’ nga Sergei Rachmaninoff në interpretimin e pianistit emiment Peter Donohoe.

Filharmonia e Kosovës, në njoftimin e saj për publikun dhe dashamirësit e muzikës, pohon se ky institucion e ka për nder ta përmbyll programin e tij mujor me një koncert të tillë.