Presidenti i Kosovës, Hashim Thaçi, gjatë ditës së sotme ka bërë homazhe te varri i heroit legjendar Adem Jashari.
Ai këtë e ka bërë të ditur përmes një postimi në profilin e tij në Facebook, përcjell Insajderi.org
Thaçi tha se “Jam këtu në këtë muzg veror edhe për të ritheksuar fuqishëm se dielli do të lindë përsëri”.
“Jam sonte këtu në Prekaz për të bërë nderime për bashkëluftëtarin dhe komandantin Adem Jashari. Për t’u bërë nderime të gjithë luftëtarëve të Ushtrisë Çlirimtare të Kosovës, heronjve të kombit. Jam këtu në këtë muzg veror edhe për të ritheksuar fuqishëm se dielli do të lindë përsëri. HTH”, tha ai.
Të hënën, presidenti Thaçi do të niset për Hagë për t’u intervistuar nga Gjykata Speciale./Insajderi.org