Në media është raportuar se ish-kryetari i Odës Ekonomike të Kosovës, Berat Rukiqi shumë shpejt do t’i bashkohet Lidhjes Demokratike të Kosovës. Një mundësi të tillë nuk e ka mohuar në tërësi vet Rukiqi në një përgjigje për Insajderin.
I pyetur nëse janë të vërtetë zërat se ai do të kalojë në Lidhjen Demokratike të Kosovës, ai u përgjigje “Tani për tani politika nuk është në planet e mia”.
Kush është Berat Rukiqi?
Berat Rukiqi ushtroi pozitën e kryetarit të Odës Ekonomike të Kosovës (OEK) për një mandat katër-vjeçar, nga viti 2018 deri në 2022.
Para se të udhëhiqte Odën Ekonomike, ai kishte zhvilluar karrierë të gjatë në sektorin publik dhe privat, duke qenë i angazhuar për një vit në Zyrën e Paktit të Stabilitetit për Evropën Juglindore, 11 vjet në pozita të ndryshme në Odën Ekonomike të Kosovës, si dhe 10 vjet si staf i rregullt në Universitetin Publik “Hasan Prishtina”.
Për katër vjet, ai kishte ushtruar funksionin e kryesuesit të Bordit të Drejtoreve të KEK-ut.