Shefi Grupit Parlamentar të PDK-së, Abelard Tahiri nga foltorja e kuvendit ka deklaruar se qeveria e Kosovës ka sponsorizuari një artikull në gjuhën franceze ku vendin tonë e promovojnë si “si tokë ku lindën manastiret ortodokse serbe”.
Ai tha se në këtë artikull të sponsorizuar nga Agjencia Kosovare për Promovimin e Investimeve (KIESA) Kosova paraqitet si vend i lashtë, por nuk kuptohet qëllimi i qeverisë e cila në këtë artikull të sponsorizuar e paraqet Kosovën vend ku lindën kishat ortodokse serbe.
“Ajo gjithashtu ka qenë një tokë bizantine ku lindën manastiret e saj madhështore ortodokse serbe”, thuhet në shkrimin e sponsorizuar nga buxheti i taksapaguesve kosovarë. Në vazhdim të artikullit thuhet se Kosova ishte vendi më i varfër deri në shkurtin e vitit 2022 prej kur sipas artikullit ka filluar të fryj erë lirie”, citon Tahiri këtë artikull.
“Kjo është e pa tolerueshme. Dorëheqja është më e pakta që mund të bëjë ky ministër që promovon Kosovën kështu”, tha më tej Tahiri.