Adnan Januzaj pritet të largohet nga Sevilla pas vetëm një viti që ka nënshkruar me këtë klub.

Sulmuesi kosovar me pasaportë belge nuk është në planet e klubit spanjoll të cilët i kanë bërë me dije se duhet të largohet.

Në gjashtë muajt e fundit Januzaj ishte pjesë e Superligës së Turqisë ku barti fanellën e Istanbul Basaksehir.

Megjithatë largimi i tij këtë verë nga Sevilla duket i pashmangshëm dhe ai pritet ta vazhdoj karrierën në Arabinë Saudite.

28-vjeçari po kërkohet nga skuadra arabe Al Taee që bën pjesë në elitën e futbollit arab.

Klubi arab ka shfaqur interesim për Januzajn dhe tanimë ka filluar bisedimet me Sevillën për transferimin e istogasit në Lindjen e Mesme.