Kandidati për kryetar të Ferizajit, Agim Aliu, i cili njëherëshi është edhe kryetar aktual i kësaj komune, ka përkujtuar Ditën e Dëshmorëve të Komunës së Ferizajt.

“Nderojmë sot e sa të jetë jeta, kujtimin, veprën, sakrificën sublime, fisnikërinë e atdhedashurinë e më të ndriturve, Dëshmorëve të Kombit!”, ka shkruar ai në facebook.

Aliu tha se themelet e Kosovës u ngriten me gjakun e tyre.

“Themelet e Kosovës u ngritën me gjakun e tyre, që sot, burra e gra, të moshuar e të rinj, të marrin frymë lirshëm në tokën stërgjyshore. E liria vërtet ka emër, ka emrin e secilit Dëshmorë të Kombit”, është shprehur kryetari i Ferizajit.