Katër persona kanë pësuar lëndime trupore si pasojë e një aksident mes tri veturave.

Aksidenti ka ndodhur në rrugën “Shkodrani” në Rahovec.

Lajmin për Insajderin e ka konfirmuar zëdhënësi i Policisë për rajonin e Gjakovës, Sheremet Elezaj.

Ai bëri të ditur se në aksidentin që ka ndodhur rreth orës 18:00 janë përfshirë tri vetura.

“Rreth orës 18:00 është raportuar aksident trafiku në rrugën “Shkodrani” në Rahovec (rruga Rahovec-Malishevë). Policia ka dalë në vendin e ngjarjes ku të përfshirë në aksident kanë qenë tri automjete. Përveç dëmeve materiale katër persona kanë kërkuar ndihmë mjekësore. Njësia Rajonale e Komunikacionit Rrugor është duke e trajtuar rastin”, ka thënë Elezaj.