Dogana dhe Policia e Kosovës janë duke zhvilluar një aksion në Leposaviq, nën dyshimet për kontrabandë me mallra. Saktësisht po kontrollohet një depo, që ndodhet pranë rrethrrotullimit.
Këtë për Insajderin e ka konfirmuar zëvendësdrejtori i Policisë për rajonin e veriut, Veton Elshani.
“Sot në orët e paradites policia ka pranu informacion në lidhje me dyshimin se në një magazinë (depo) në Leposaviq mund të ketë mall të kontrabanduar. Policia ka shku aty dhe së bashku edhe me krimet ekonomike dhe Doganen janë duke e kry punën e tyre”, ka thënë ai.
“Biznesi është i regjistruar por po shikohet për mall të kontrabanduar. Nuk ka të arrestuar”, shtoi Elshani.
Një aksion i ngjashëm është kryer edhe dje në këtë komunë.