Organizata Botërore e Shëndetësisë ka alarmuar lidhur me rritjen e rasteve te fruthit në Evropë.

Pas këtij alarmi të OBSH-së, Instituti Kombëtar i Shëndetësisë Publike ka njoftuar se nuk është konfirmuar asnjë rast me fruth në Kosovë.

Sipas OBSh-së, gjatë vitit 2023 janë shënuar 42 mijë e 200 raste të fruthit në rajonin e Evropës, nga 941 sa ishin regjistruar më 2022.

IKShPK-ja ka bërë thirrje se vaksinimi është mënyra më e mirë për parandalimin e përhapjes së fruthit.

“Kosova ka shkallë të mirë të mbulueshmërisë me vaksinën MMR (Fruth-Rubellë-Parotit). IKShPK është duke punuar intensivisht në koordinim me ekipet e vaksinimit dhe institucionet e Kujdesit Parësor Shëndetësor që të identifikohen fëmijët të cilët nuk kanë marrë vaksinën MMR sipas Kalendarit të rregullt të vaksinimit”, thuhet në njoftimin e këtij insituti.