Kryetari i Komunës së Gjilanit, Alban Hyseni ka nënshkruar marrëveshje për projektin e qarkores së madhe me zëvendësministrin e Infrastrukturës, Hysen Durmishi, në vlerë rreth 27 milionë euro.
“Nënshkruam projektin më të madh infrastrukturor në historinë e qytetit, me vlerë rreth 27 milionë euro, me zëvendësministrin Hysen Durmishi”, ka thënë kryetari i Gjilanit, Alban Hyseni.
Qarkorja e re e qytetit të Gjilanit do të ketë gjatësi rreth 20 km, me 4 krosi dhe do të lidhë të gjitha rrugët magjistrale.