Ambasadori i Gjermanisë në Kosovë, Jorn Rohde, ka lavdëruar të mërkurën fjalimin e raportueses për Kosovën në Parlamentin Evropian, Viola von Cramon, të martën.
Rohde ka thënë se Von Cramon ka folur qartë për liberalizimin e vizave, reformat, sundimin e ligjit, si dhe për zbatimin e vendimit të Gjykatës Kushtetuese për Manastirin e Deçanit.
“Mirëpres raportin e Parlamentit Evropian dhe fjalët e qarta të Viola von Cramonit për liberalizimn e vizave, reformat, sundimin e ligjit, zbatimin e aktgjykimit të Gjykatës Kushtetuese për Deçanin dhe Dialogun në rrugën e Kosovës drejt integrimit në Bashkimin Evropian”, ka shkruar Rohde në Twitter.
Në fjalimin e saj, Von Cramon ka lavdëruar Kosovën për solidaritetin e plotë me Ukrainën dhe për zhvillimin e demokracisë. Ajo ka thënë se “qytetarët e Kosovës e meritojnë të jetojnë në një shtet që gëzon respekt ndërkombëtar e perspektivë të qartë të integrimit evropian”.
Von Cramon ka përsëritur qëndrimin se “pa një marrëveshje normalizimi ligjërisht obliguese mes Kosovës e Serbisë, pranimi në BE nuk do të ndodhë”.
Ajo ka shtuar se për sundim të ligjit kërkohet bashkëpunim me partnerët ndërkombëtarë e respektim i plotë i opinioneve të Komisionit të Venecias.
Welcome the 🇪🇺 Parliament’s report and these clear words by @ViolavonCramon on visaliberalisation, reforms, rule of law, implementation of the CC judgement on Decani and the Dialogue on 🇽🇰path towards EU integration
— Ambassador Jörn Rohde (@GermanAmbKOS) July 6, 2022
👇 https://t.co/xJtqjJWrud