Prezantimi i tyre ishte bërë me një konferencë të bujshme në sallën e hotelit të njohur në Prishtinë. Çdo tifozë, futbollistë, anëtar i shtabit teknik, ishin në “qiellin e shtatë” për një arsye të vetme… “Ferizaj po bëhet me pronarë anglezë, do luajmë në Ligën e Kampionëve”.
I gjithë ky entuziazëm mbeti vetëm si një ide e shkruar në letër. Insporti në muajin dhjetor ka raportuar ekskluzivisht për largimin e investitorëve anglezë, të cilët udhëheqshin nga legjenda e futbollit anglez, Brian Deane.
Deane ishte ai i cili premtoi se Ferizaj do të bëhej klub evropian dhe se brenda disa sezoneve do ishte pjesëmarrës në garën më të fortë evropiane për klube, Ligën e Kampionëve.
Drejtori i Ferizajt, Nadir Haxhimusa për Insportin ka konfirmuar se tashmë gjithçka ka përfunduar me anglezët, më shumë mund të lexoni në Insporti.com.