Arbnor Muja ka zhvilluar ndeshjen më të mirë deri më tani me fanellën e Royal Antwerp.

Sulmuesi kosovar e ka nisur ndeshjen për Kupën e Belgjikës ndaj Standart Liege nga banka rezervë, por u inkuadrua në lojë në minutën e 10-të pas lëndimit të Scott.

Antwerp ka arritur fitore me rezultat të thellë 4-0 ndaj Standard, në një ndeshje ku ka shkëlqyer ish-sulmuesi i Dritës.

Ishte minuta e 55-të, kur Muja asistoi te Michael Frey i cili realizoi për 2-0.

Ndërkohë katër minuta më vonë, sulmuesi mitrovicas realizoi golin e parë me fanellën e Antwerp, duke u gjendur bukur në zonë dhe dërgoi topin në rrjetë.

Ky ishte goli i parë për Mujën me fanellën e klubit mbretëror belg, derisa i pranishëm në stadium ishte edhe ish-trajneri i tij te Drita, Ardian Nuhiu.