Arben Gashi, kandidati për deputet nga Lidhja Demokratike e Kosovës, ka vazhduar aktivitetet e fushatës në fshatin Duboc të Vushtrrisë.

Atje, ai ka takuar qytetarët dhe u ka shpalosur atyre programin e LDK-së për qeverisje.

Bashkë me Gashin, ishte edhe kandidati për deputet i LDK-së nga Vushtrria, Agron Perçuku.

Përçuku ka shkruar se ai dhe Gashi u zotuan për përkrahje institucionale të qytetarëve.

“Sonte, bashkë me kandidatin për deputet z. Arben Gashin, kaluam çaste të mira të mbrëmjes me aktivistë të LDK-së në fshatin Duboc. Shpalosëm në pika të shkurta programin politik të LDK-së dhe u zotuam se do ta kenë përkrahjen tonë institucionale, të gjithë, pa dallim! Ju faleminderit për mikpritjen”, ka shkruar Përçuku në Facebook.