Mbrëmë nga Policia e Kosovës ishte arrestuar aktivisti i PSD-së, Frashër Krasniqi në kufirin Kosovë-Shqipëri. Krasniqi në një përgjgje për Gazetën Insajderi tha se është mbajtur tre orë nga policia.

“Po jam arrestu dhe jam liru diku në orët e vona të natës, faktikisht krejt arrestimi ka qenë i paligjshëm prandaj edhe më kanë liruar në dy të natës”, tha ai për Insajderin.

Kujtojmë se mbrëmë kryetari i PSD-së, Dardan Molliqaj njoftoi se ishte arrestuar Frashër Krasniqi në kufirin Kosovë-Shqipëri.

Molliqaj kishte shkruar se pushteti po i përndjek aktivistët e PSD-së sikurse dje me Donjeta Demolline Gëzon Kastratin.

“Policia e ka arrestuar para pak çastesh edhe aktivistin tjetër Frashër Krasniqi, në kufirin Kosovë – Shqipëri. Sikurse dje, me aktivistët Donjeta Demolli dhe Gëzon Kastrati, përndjekja e këtij pushteti vazhdon edhe sot me rastin e Frashër Krasniqit’, tha ai.

Këto arrestime kanë ndodhur pasi Partia Socialdemokrate ia kishte ndërprerë fjalimin kryeministrit të Kosovës, Albin Kurti me pankarta me shkrime “pe don Zajednicën” si dhe “po e don pushtetin”