Katër persona janë arrestuar sot në Gjakovë, pasi dyshohen se kanë shtënë me armë zjarri në një aheng familjar javën e kaluar.

Duke pasur parasysh informatën për këto të shtëna policia ka realizuar kontroll në tri lokacione, dy në fshatin Ujz, dhe një në fshatin Damjan.

Gjatë bastisjeve janë sekuestruar një armë e gjatë, tri pistoleta dhe një karikator dhe 22 copë fishekë.

“Të dyshuarit, pas intervistimit, me vendim të Prokurorit të Shtetit janë liruar në procedurë të rregullt”, thuhet në raportin e Policisë.

Ndërsa rasti është cilësuar “Mbajtje në pronësi, kontroll ose posedim të paautorizuar të armëve” dhe “Shkaktim i rrezikut të përgjithshëm”.