Një person është arrestuar në Shtime për dhunë në familje.

Sipas njoftimit nga Policia një person i moshës 29-vjeçare është arrestuar pasi ka sulmuar fizikisht bashkëshorten e tij.

Policia ka bërë të ditur se viktima ka pranuar tretman mjekësor dhe për këtë rast janë njoftuar edhe zyrtarët e Qendrës për Punë Sociale dhe Mbrojtësi i Viktimave.

Policia të dyshuarin e ka shoqëruar në stacionin e policisë në Shtime dhe pas intervistimit nga policët hetues, me vendim të prokurorit kujdestar nga Prokuroria Themelore në Ferizaj, është dërguar në mbajtje për 48 orë për procedura të mëtejme hetimore, ndërsa rasti është cilësuar “Dhunë në familje dhe lëndim i lehtë trupor”.