Ish-kampioni i botës, Floyd Mayweather dhe ‘youtuberi’ Logan Paul do të përballen në një meç ekzibicioni këtë verë, transmeton Insporti.

Meçi u konfirmuar nga vetë Mayweather në rrjetin social Instagram.

“Mayweather Promotions, Fanmio dhe Showtime Boxing janë bashkuar për ta sjellë një ngjarje epike”, shkroi 44-vjeçari Mayweather, i cili zotëron një rekord prej 50 fitoreve dhe asnjë humbjeje.

Hera e fundit kur kampioni i botës në pesë kategori të ndryshme bëri luftë profesionale ishte gushti i vitit 2017, kur e mposhti kampionin e UFC-së Conor McGregorin, në ndeshjen e tij debutuese në boks”.

Ndryshe, meçi do të zhvillohet më 6 qershor në stadiumin Hard Rock në Miami të Shteteve të Bashkuara.