Kufoma e biznesmenit Bedri Rexhepi ka arritur pranë familjarëve të tij në Shtime.

Rexhepi, i cili pas një viti që ishte raportuar i zhdukur u gjetë i vrarë në një mal në Novobërd. Ai do të varroset sot në orën 13:00 në varrezat e qytetit në Shtime.

Familjarë e miq janë mbledhur për t’i dhënë lamtumirën e fundit dhe kanë hapur dyert për pritjen e ngushëllimeve, shkruan Insajderi.

Rexhepi dyshohet se është vrarë për shkak të një shumë prej 30 mijë eurosh, nga tashmë të akuzuarit Jeton dhe Nexhat Vallasaliu.

Ndaj tyre është ngritur aktakuza, pasi më 30 shtator Prokuroria Themelore në Prishtinë bashkë më policinë dhe organet tjera ka gjetur mbetjet mortore të dekompozuara, e që u konstatua se i përkasin Rexhepit. /Insajderi