19:50 - Sot

Avokati i ish-presidentit Thaçi në Speciale, Gregory Keohe, ka dërguar në Gjykatë parashtresat e tij me argumente për lirimin nga paraburgimi të klientit të tij.

Keohe është përqendruar tek kundër-argumentimi i vendimit të kaluar të gjykatësit paraprak i cili ia kishte refuzuar lirimin ish-presidentit Thaçi. Në të, gjykatësi francez, Nicollas Guillou e merrte si argument të bazuar faktin se Thaçi ka fuqi të madhe politike dhe mbështetje të gjerë në opinion, gjëra që sipas tij ndikimin në procesin gjyqësor do ta bënin më të lehtë.

Keohe në argumentet e tij ka përmendur faktin se në zgjedhjet e fundit, Vetëvendosje ka fituar mbi 50 për qind të votave, teksa ish-partia të cilën e kishte udhëhequr Thaçi, PDK vetëm 17,09 përqind të votave.

“Ndikimi dhe autoriteti i supozuar i Thaçit nuk reflektojnë më realitetet aktuale politike në Kosovë. Që nga dorëheqja e z. Thaçi në nëntor 2020, peizazhi politik në Kosovë është zhvendosur. Zgjedhjet e shkurtit 2021 në Kosovë(në të cilin u regjistrua rekord i pjesëmarrjes së votuesve) 3rezultoi që kundërshtari politik i z. Thaçi të fitonte 50.28% të votave dhe 58 vende parlamentare. Ish partia e Z. Thaçi mori 17.009% të votave dhe 19 vende parlamentare. Jo më madje edhe një forcë e qëndrueshme e opozitës, ky hendek e ka ulur ish-partinë politike të Z. Thaçi në një çështje me rëndësi margjinale, dhe demonstroi në termat më të qartë të mundshëm se ai nuk gëzon më ndikimin, popullaritetin ose mbështetjen që Gjyqtari i Procedurës paraprake zbuloi se krijonte rrezik si të ikjes, ashtu edhe rrezik të pengimit”, thuhet në parashtresat e avokatit amerikan.

Madje, ky i fundit në parashtresat e tij përmend edhe kryeministrin aktual të Kosovës, Albin Kurti, si dhe presidenten Osmani.

Për këta të dy, ai thotë se e kanë ndërtuar karrierën e tyre politike duke e kundërshtuar Thaçin.

Tutje, avokati amerikan përmend edhe shkarkimet në AKI, RTK dhe Shërbimin Korrektues të Kosovës.

“Qeveria e re, e udhëhequr nga një Kryeministër dhe President të cilët ndërtuan karrierën e tyre politike mbi kundërshtimin e tyre ndaj z. Thaçi, po largon sistematikisht zyrtarët e emëruar ndërsa z. Thaçi ishte në detyrë. Në Dhjetor 2020, Shefi i Agjencisë së Inteligjencës së Kosovës u shkarkua,  ndjekur më pas nga Sekretari i Përgjithshëm i Zyrës së Presidentit. Në maj 2021, Ministri i Drejtësisë pezulloi Drejtorin e Përgjithshëm të Korrektimit të Kosovës. Ministrja e Punëve të Jashtme liroi dymbëdhjetë Ambasadorët e Kosovës të caktuar politikisht nga detyra në të gjithë botën dhe Kuvendi i Kosovës shkarkoi anëtarët e Agjencisë Kosovare të Privatizimit, përgjegjës për menaxhimin dhe privatizimin e ndërmarrjeve shoqërore. Në qershor 2021, Komisioni i Medias i Asamblesë së Kosovës rekomandoi shkarkimin e Bordit të Radios dhe Televizionit të Kosovës, shërbimi i vetëm i transmetimit publik i vendit, pas të cilit Presidenti shkarkoi një Gjyqtare të Gjykatës Supreme që ishte Kryetare e Komisionit Qendror të Zgjedhjeve.  Këto janë vetëm disa shembuj të asaj që ka qenë një spastrim me shumicë i zyrtarëve të cilët janë emëruar ndërsa z. Thaçi ishte në detyrë, nga jeta publike”, thuhet në parashtresën e Keohes.

Në lidhje me këto argumentime tjera, mbrojtja ka kërkuar lirimin e Thaçit nga paraburgimi.

Deri tash, gjyqtari i Procedurës Paraprake ka marrë vendim për t’ua refuzuar kërkesat për lirim nga paraburgimi të Rexhep  Selimit, Jakup Krasniqit e Kadri Veselit.

Ndërkaq, deri tash nuk ka ndonjë vendim të publikuar nga Specialja për kërkesën e Thaçit për lirim nga paraburgimi.