Avokati Gazmend Halilaj sot i ka quajtur ish’krerët e UÇK’së në Hagë organizatë e përbashkët kriminale.

Ai tha se është gënjeshtër e madhe se ata po gjykohen për Kosovën.

“Tentativa për me bind popullin e shkret se këta janë duke u gjykuar për neve që dënohen këta dënohet lufta, duhet me u shpall gënjeshtra e shekullit, këta kanë vepru si ndërmarrje e përbashkët kriminale“, tha avokati.

Vetë avokati Halilaj ishte i akuzuar për përfshirje në rastin e dhunimit të miturës nga Drenasi.

Fillimisht Avokati Halilaj kishte zbuluar rastin e dhunimit të 16-vjeçares nga profesori i shkollës dhe hetuesi i rastit e cila u detyrua pastaj të abortonte nga një mjek i cili u pagua nga abuzuesit. Pas tre vjete të zbulimit të këtij rasti, ai ishte dënuar nga Gjykata për keqpërdorim seksual.

Gazmend Halilaj, në vitin 2021 është shpallur fajtor për veprën penale – keqpërdorim seksual duke keqpërdorur pozitën, autoritetin apo profesionin dhe është gjykuar me dënim me burgim në kohëzgjatje prej 2 viteve.