Kampioni i Kosovës në futboll FC Ballkani ka mbërritur sot në mëngjes në Lituani ndërsa në mbrëmje ka zhvilluar një stërvitje para ndeshjes së kthimit në kuadër të raundit të parë kualifikues në Ligën e Kampionëve.

Ballkani ndeshet nesër me Zalgirisin, derisa ballfaqimi I parë u mbyll baras 1:1.

FC Ballkani ka njoftuar se në pasditen e sotme kanë zhvilluar stërvitjen e fundit në stadiumin “LFF”, aty ku edhe do të zhvillohet ndeshja e nesërme.

Klubi nga Suhareka gjithashtu bëri të ditur se synimi i vetëm është fitorja ndaj Zalgirisit.