×
  • Lajme
  • Insajderi / Ballina 5

    Banale e tendencioze – Zogiani përplaset me gazetarin në konferencë

    Insajderi
    01 August 2023 - 11:58

    Zëvendësministri i Infrastrukturës, Mjedisit dhe Planifikimit Hapësinor, Avni Zogiani e ka quajtur “banale” një pyetje të një gazetari në një konferencë për medie të martën.

    Zogiani e ka cilësuar “dilemë banale” një pyetje të gazetarit lidhur me rastet e keqpërdorimeve brenda Ministrisë së Infrastrukturës, të cilat i ka evidentuar zv/ministri Zogiani prej ardhjes së tij në detyrë disa muaj më parë.

    “Nuk e di a e keni pasur vëmendjen kur kam folur kam thënë ne, ne [ministria]. Unë, natyrisht kur futem aty merrem me procesin, jo vetëm për kohën time kur kam qenë në Ministri unë. Kështu që, është pak banale si dilemë, mirëpo po ta hjeku si dilemë”, i ka thënë Zogiani, gazetarit.

    “Ju thatë se ne po flasim në ajër. Dhjetë minuta ka folur ministri për një rast konkret të pretendimit të krijimit të një termocentrali. Po flasim konkretisht për një projekt dhe ju po thoni ‘po flisni në ajër’. Kjo është komplet tendencioze”, ka thënë Zogiani.

    Gazetari i ka kërkuar ministrit që të mos e ofendojë me cilësime ndaj pyetjeve të tij.

    “Mos na ktheni me këto terma pezhorativ me na ofendu”, i ka reaguar gazetari, zëvendësministrit Zogiani.

    Klikoni Këtu për t'u bërë pjesë e kanalit zyrtar të Gazetës Insajderi në Viber.
    OP-ED
    Nga Rubrika

    © 2016-2024 Gazeta Online Insajderi - Të gjitha të drejtat e rezervuara.

    Impressum

    Kontakt

    Trademark