Barcelona dhe Real Madridi kanë publikuar listat e lojtarëve të ftuar për takimin gjysmëfinal në kuadër të Superkupës së Spanjës.

Ndeshja që luhet më 12 janar, do të fillojë në ora 20: dhe luhet në stadiumin “King Fahd International Stadium” në Riad.

Për këtë ‘El Clasico’ të parë për këtë vit, Blaugranasit do të jenë pa Martin Braithëaite, Eric Garcia, Pedri, Sergio Roberto, dhe Moussa Wague që janë të lënduar, derisa Ferran Torres është i infektuar me COVID-19.

Në anën tjetër, Real Madridi do të jetë pa Gareth Bale, Dani Carvajal e Mario Diaz që janë po ashtu të lënduar, me Luka Jovic që është kontraktuar me coronavirus.

Los Blancos po kalojnë nëpër një formë tejet të lartë në këtë edicion dhe shihen si favoritë për këtë takim.

E njëjta gjë nuk mund të thuhet edhe për katalunasit, që nuk po arrijnë të këndellen, mirëpo ky duel gjithmonë ka qenë i zjarrtë.