Shakhtar Donetsk ka shkaktuar befasi, duke triumfuar në ndeshjen kundër Barcelonës në fazën e grupeve në Ligën e Kampionëve.

Ekipi ukrainas ka fituar 1:0 kundër gjigantit evropian, në stadiumin e Hamburgut në Gjermani, në kuadër të Grupit H.

Danylo Sikan ka realizuar me kokë golin e fitores për Shakhtar Donetskun në minutën e 40-të.

Barcelona pavarësisht humbjes vazhdon të jetë lider i grupit me nëntë pikë, ndërsa tani Shakhtari ka gjashtë pikë në pozitën e tretë.