Sot pritet që Komiteti i Ministrave ta shqyrtojë aplikimin e Kosovës për anëtarësim në Këshillin e Evropës.

Së bashku me delegacionin e Kosovës në mbledhjen e këtij Komiteti do të marrë pjesë edhe deputeti i PD-së, Lulzim Basha.

Ai ka postuar një foto me deputetin e AAK-së, Besnik Tahirin dhe deputetin e LDK-së, Arben Gashi.

“Në Asamblenë Parlamentare të Këshillit të Europës me Arben Gashi dhe Besnik Tahiri, me shpresën se sot do të kemi lajm të mirë nga Komiteti i Ministrave që sot vendos mbi pranimin e aplikimit të Kosovës për anëtarësim në Këshillin e Europës”, ka shkruajtur Basha në facebook./Insajderi