×
  • Showbiz
  • Show / Showbiz

    BBVIP fali tre banorët, Jul Deda shpërthen ashpër ndaj produksionit: Po zhvlerësohet zarfi i zi

    Insajderi
    03 April 2024 - 15:50
    Klikoni Këtu për t'u bërë pjesë e kanalit zyrtar të Gazetës Insajderi në Viber.

    Julian Deda ka reaguar i pari për vendimin e marrë nga produksioni i “Big Brother VIP” që përjashtoi me zarf të zi Egla Cenon, Meriton Mjekiqin dhe Ilnisa Agollin, ku në fakt ishte thjeshtë një skualifikim fiktiv pasi të tre janë nxjerrë praktikisht në nominim dhe vetëm njëri prej tyre do të largohet.

    Aktori i njohur i humorit është rebeluar me këtë situatë duke theksuar faktin se në këtë mënyrë mund të thyhen fare mirë rregullat përmes sjelljeve jo të hijshme, sikurse bënë dhe banorët e sipërpërmendur. Juli i mëshon mendimit të tij që veprimet e kundërligjshme, sikurse përndjekja që u cilësua mbrëmë në prime, vlerësohen nga gjykata dhe jo publiku.

    “Është zhvlerësuar zarfi i zi komplet sepse tani mund të merret dhe e kundërta që kjo ok po dola, e voto publiku. Çfarë është kjo? Sepse publiku voton gjithmonë mër vëlla. Logjika të bën kështu, nëse ata vijnë, kanë ndenjur në shtëpi, kanë kaluar nominime me atë sjellje do të thotë që me një sjellje tjetër, dalin për një javë. Kjo është logjika.

    Atëherë i bie që këta janë gjykuar për këtë sjellje, ata kanë shkelur rregullat. Pastaj ajo, përndjekja, si quhet ajo… A ishte vepër penale? Ç’punë ka publiku të vendosë për një vepër që e vendos Gjykata?”, ka thënë Jul Deda që në këtë moment u ndërpre nga produksioni.

    @bigbrothervip_albania3_ #bigbrother #bbva3 #bbvip #bbvipalb23 #fyp #albania #fypシ #europe #luizejlli ♬ original sound – Bigbrothervip_albania3

    Kujtojmë që mbrëmjen e djeshme u “përjashtuan” me zarf të zi Ilnisa me Meritonin për shkak të përplasjes së patën me Egla Cenon. Kjo e fundit ishte eleminuar dy ditë më parë. Por, sipas produksionit, ajo është mbajtur në një ambient e izoluar, ndërsa për të tre do të vendosë publiku. Njëri prej tyre do të dalë të shtunën.

    E pikërisht këtë situatë, Jul Deda nuk e ka anashkaluar, përkundrazi ka folur hapur dhe qartë, ku ka marrë edhe mbështetjen e banorëve të tjerë që gjendeshin duke biseduar me të.

    @jul_deda1 #fyp #bigbrothervipalbania #juldeda #videoviral #albania🇦🇱 ♬ original sound – jul_deda1

    OP-ED
    Nga Rubrika
    Showbiz
    19 April 2024

    © 2016-2024 Gazeta Online Insajderi - Të gjitha të drejtat e rezervuara.

    Impressum

    Kontakt

    Trademark