Ish- kryeministri i Shqipërisë, Sali Berisha prej 15 ditë është në arrest shtëpie.
Prej asaj dite, dhjetëra qytetarë janë duke u mbledhur para banesës së tij.
Në fjalën e tij nga dritarja, Berisha u tha atyre se “me qëndresën tuaj dhe guximin që po tregojnë çdo ditë Shqipëria do të qëndrojë në këmbë dhe do të shpëtojë nga diktatura”.
“Luani i fjetur i shqiptarëve po zgjohet çdo ditë e më shumë. Autokracinë, diktaturën e bandave, krimit dhe drogës e pret fundi i merituar”, tha Berisha në fjalën e tij.
Ai shprehu mirënjohje edhe për deputetët e opozitës, të cilët sipas tij, po zhvillojnë betejën më të fuqishme që ka njohur ndonjëherë parlamenti.