Kryeministrja e Serbisë, Ana Bërnabiq ka thënë mbrëmë se këtë javë do të mbahet një takim tjetër me përfaqësuesit e serbëve të Kosovës për të diskutuar rreth situatës.

Bërnabiq po pretendon se tensionet po rriten sërish në Kosovë, ndërkohë ka kritikuar komunitetin ndërkombëtar, përcjell Insajderi.

“Ajo që është e tmerrshme dhe ajo që na frikëson e shqetëson është se tensioni po rritet sërish. Numri i provokimeve është në rritje. Komuniteti ndërkombëtar është ende i heshtur”, ka deklaruar Bërnabiq.

Kryeministrja serbe deklaroi se Asociacioni i Komunave me Shumicë Serbe ka 10 vite që po pret të krijohet dhe se institucionet kosovare po e shmangin me çdo kusht.

Ajo shtoi se presidenti i Serbisë, Aleksandar Vuçiq po lufton për paqen dhe për këtë arsye është “cak i sulmeve”. /Insajderi