Zëvendëskryeministri i Kosovës, Besnik Bislimi, është nisur drejt Brukselit, për të marrë pjesë në takimet e radhës në kuadër të procesit të dialogut.

Tutje gjatë këtyre takimeve do të trajtohet zbatimi i Marrëveshjes Bazike të 27 shkurtit, Aneksit Implementues të 18 marsit dhe planin e ri për ecjen përpara i 21 tetorit.

“Ky është takimi vijues i këtij procesi pas atij të 26 tetorit me liderët e Gjermanisë, Francës, Italisë dhe BE-së, ku Republika e Kosovës theksoi qëndrimet e saj e gatishmërinë për nënshkrim dhe zbatim të plotë të marrëveshjeve”, thuhet në njoftimin e Zyrës për informim së Qeverisë së Kosovës.

Po ashtu, Bislimi pritet të takohet me kryenegociatorin serb Petar Petkoviq.