Sekretari Amerikan i Shtetit, Antony Blinken, do të udhëtojë në Bruksel më 27 deri më 29 nëntor për të marrë pjesë në takimin e Ministrave të Jashtëm të NATO-s.
Departamenti Amerikan i Shtetit ka njoftuar se aty përfshihet edhe takimi i parë i ministrave të jashtëm të Këshillit NATO-Ukrainë.
Njëra nga temat në këtë takim do të jetë edhe Ballkani Perëndimor.
“Sekretari Blinken do të theksojë angazhimin e palëkundur të NATO-s ndaj Ukrainës në luftën e saj kundër agresionit rus, do të theksojë mbështetjen tonë për demokracinë dhe stabilitetin rajonal në Ballkanin Perëndimor dhe do të diskutojë prioritetet për Samitin e Uashingtonit në korrik 2024”, thuhet në njoftim.