Ish- kreu i Lëvizjes Vetëvendosje në Shqipëri, Boiken Abazi duke folur për largimin e Listës Serbe nga institucionet e Kosovës, ka thënë se kjo parti është themeluar e financuar nga kriminelë të luftës në Beograd.

Largimin e Listës Serbe po e quajnë sot si “krizë e “vakum”, thotë Abazi duke e imagjinuar një situatë të tillë në Francë pas Luftës së Dytë Botërore

Postimi i plotë:

Imagjinoni sikur në Francën e pas Luftës së Dytë Botërore, mungesën në institucione të një partie naziste, apo kolaboracioniste me nazizmin, ta kishin quajtur “krizë” dhe “vakum” institucional, siç po e quajnë sot largimin e “Listës Srpska” nga institucionet e Kosovës, parti që është themeluar, financuar dhe drejtuar nga kriminelët e luftës në Beograd, ku ende nuk ka ndodhur denazifikimi.