Shtëpia botuese tiranase “UETpress” ka botuar këto ditë romanin e ri të shkrimtarit dhe publicistit të mirënjohur kosovar, Gani Mehmetaj.

Romani ka titullin “Lufta e pengjeve” dhe së shpejti do të jetë në duart e lexuesve dhe dashamirësve të letërsisë dhe librit shqip. Ndërkohë, që ai do të promovohet të premten, ora 13:00, në ambientet e Universitetit Evropian të Tiranës, gjegjësisht në sallën e quajtur “Aula Magna”.

Gani Mehmetaj ishte fitues i shpërblimit letrar “Kadare” në vitin 2021, që jepet po ky nga ky institucion i pavarur universitar tiranas.

Romani “Lufta e pengjeve” është vepra e tretë që shkrimtari dhe publicisti Mehmetaj e boton me “UETpress”, gjë që shihet si një shenjë e një bashkëpunimi të vazhdueshëm mes botuesit dhe krijuesit në fjalë.