Banorët e rrugës së “Bledit”, e cila ndodhet në afërsi të Taukbashqes kanë rënë në hall që nga dita e diele me energjinë elektrike.

Ata janë ankuar në adresë të Insajderit, kanë treguar se iu janë prishur pajisjet shtëpiake si pasojë e problemeve me energji.

Sipas tyre, problemi ka filluar nga pasditja e ditës së diele, rasti ishte lajmëruar në Operatorin e Sistemit të Shpërndarjes “KEDS”.

Pavarësisht kësaj, telashe kanë pasur edhe ditën e djeshme (e hënë).

“Nga ora 16:00 deri ora 01:00 pas mesnatë është ndalë pa kontroll energjia elektrike, brenda 5 minutave e kanë ndalë 10 herë”, i tha një banore Insajderit.

“Na ka prishë shportin e rrymës, plus kompjuterin”, i tha një tjetër banor Insajderit.

Gazeta ka kontaktuar edhe zyrtarët e KEDS-it për të kuptuar se ku qëndron problemi por të njëjtit ende nuk kanë kthyer përgjigje.