×
  • Lajme
  • Botë
  • Lajme / Botë

    Britanikët mund të blejnë vetë nga tri perime, shkak mungesa e tyre

    Insajderi
    23 February 2023 - 08:56
    Klikoni Këtu për t'u bërë pjesë e kanalit zyrtar të Gazetës Insajderi në Viber.

    Supermarketet britanike kanë filluar të kufizojnë shitjet e disa frutave dhe perimeve për shkak të mungesës. Moti i keq dhe problemet e transportit në Afrikë dhe Evropë kanë lënë jashtë rafteve të dyqaneve domatet dhe disa fruta dhe perime të tjera.

    Andrew Opie, drejtor i ushqimit dhe qëndrueshmërisë në Konsorciumin Britanik të Shitjes me Pakicë, tha se kushtet e pafavorshme të motit në Evropën Jugore dhe Afrikën veriore kanë ndërprerë korrjen e disa frutave dhe perimeve, përfshirë domatet dhe specat/

    Afrika e Veriut ka parë rendimente të dobëta dhe situata pritet të përmirësohet në ditët dhe javët në vijim. Rrjeti i supermarketeve Asda kufizoi blerjen në tre domate, tre speca, tre kastraveca dhe nga një qese marulë, brokoli, lulelakër dhe mjedra. Rrjeti i supermarketeve Morrisons ka njoftuar se do të vendosë kufizime duke filluar nga nesër, d.m.th. se do të mund të blihen dy domate, dy kastraveca dhe dy speca.

    Masa të ngjashme po shqyrtojnë edhe dyqanet tjera, shkruan Independent. Edhe pse Britanisë I mjaftojnë prodhimet e veta gjatë verës, vendi zakonisht importon 95 për qind të domateve dhe 90 për qind të maruleve të saj midis dhjetorit dhe marsit.

    Situata ndërlikohet më tej nga prodhimi më i ulët i serave gjatë sezonit të dimrit në Mbretërinë e Bashkuar dhe Holandë për shkak të kostove të larta të energjisë.

    Vitin e kaluar, supermarketet e ishullit përsëri pësuan ndërprerje të furnizimit për shkak të luftës në Ukrainë, por disponueshmëria u përmirësua para Krishtlindjeve. Megjithatë, problemi mbeti me furnizimin me vezë, të cilat prej muajsh vështirë se gjendeshin në raftet e rrjeteve të mëdha të dyqaneve.

    OP-ED
    Nga Rubrika

    © 2016-2024 Gazeta Online Insajderi - Të gjitha të drejtat e rezervuara.

    Impressum

    Kontakt

    Trademark