Kryeministrja e Serbisë, Ana Brnabiq në takim me Zëvendës Ndihmës Sekretarin amerikan të Shtetit, Gabriel Escobar, e falënderoi këtë të fundit për, siç tha ajo, mbështetjen kyçe për formimin e Asociacionit të Komunave Serbe, raporton Insajderi.

Në një komunikatë të lëshuar për media nga qeveria serbe, Brnabiq e falënderoi Escobar-in “për mbështetjen që ShBA jep për dialogun e lehtësuar nga Bashkimi Evropian”.

“Brnabiq theksoi rëndësinë e zbatimit të plotë të marrëveshje të nënshkruara deri më tani, mbi të gjitha Marrëveshjen e Brukselit, si dhe rëndësinë e formimit të Asociacionit të Komunave Serbe”, thuhet në njoftim.

Escobar dje u takua edhe me Presidentin e Serbisë, Aleksandar Vuçiq, me të cilin biseduan rreth takimit të ardhshëm në Ohër të Nivelit të Lartë, përçka pritet që të ketë pajtim reth Aneksit të Zbatimit të Plan-Propozimit të BE’së.

Çështja e Asociacionit është bërë kryetema e para takimit të Ohrit, përçka edhe Përfaqësuesi Special i Bashkimit Evropian për Dialogun Kosovë-Serbi tha se decidivisht “nuk do të ketë Marrëveshje nëse nuk themelohet Asociacioni i Komunave me Shumicë Serbe”./Insajderi/