Shefja e ekzekutivit në Serbi bëri të ditur se vetëm deri më tani nga taksa, shteti serb i ka humbur më shumë se 25 milionë euro.
Gjithashtu ajo ka thënë se nëse kjo taksë mbetet deri në fundin e vitit të ardhshëm atëherë, Serbia do t’i humbë 65.5 milionë euro, transmeton Gazeta Insajderi.
“Është vlerësuar se ekonomia serbe vetëm në nëntor ka humbur 25.7 milionë euro nga taksa e autoriteteve të Prishtinës, dhe nëse kjo taksë mbetet në fuqi deri në fund të vitit, atëherë shuma do të jetë mbi 65.5 milionë euro”, tha Brnabiq.
Shqetësime për taksën e vendosur nga Kosova ka shprehur edhe komisionerva Malmstrom, e cila tha se kjo taksë ka qenë e gabur.
Vërejtje për këtë taksë kanë bërë edhe Federica Mogherini dhe komisioneri Johanes Hahn.
Por kryeministri Haradinaj është zotuar se taksa nuk do të hiqet deri sa Serbia ta njohë Kosovën. /Insajderi.com