Armando Broja po shijon suksesin e tij me Southampton-in, ku tashmë numëron tre gola të shënuar. Pavarësisht se konkurenca në skuadër ka qenë e madhe dhe nuk e ka pasur të garantuar vendin e titullarit, sulmuesi shqiptar ka ditur si të shfrytëzojë çdo mundësi të dhënë. Në një intervistë për “Daily Echo”, 20-vjeçari e përkufizon si një çmenduri atë që po përjeton në sezonin e tij të parë në Premier League. Ai shton se tashmë po përpiqet të mësojë sa më shumë dhe të bëhet një lojtarë sa më i mirë.

“Po e shijoj vërtet. Është padyshim sezoni im i parë në Premier League. Ka qenë çmenduri. Unë jam një lojtar i ri dhe është e mahnitshme për të gjithë që mund të kenë këtë mundësi për të qenë në Premier League dhe për të fituar përvojë dhe t’u bërë lojtar më i mirë e të punosh me lojtarë më të mirë. Është një ëndërr e realizuar. Unë thjesht po përpiqem të përmirësohem çdo ditë dhe thjesht të mësoj.

Sigurisht që gjithmonë ka konkurrencë. Është Premier League, është liga më e vështirë, gjithmonë do të ketë konkurrencë në skuadër. Unë thjesht do të mbaj kokën ulur dhe do të përpiqem të ndihmoj skuadrën sa më shumë që të jetë e mundur dhe isha mirënjohës që arrita një gol (të shtunën), por gjëja kryesore është ekipi. Ishte vetëm një turp që nuk arritëm të merrnim tre pikët. Sigurisht që është zhgënjyese. Është një goditje e madhe të pësosh një gol të tillë”, është shprehur Broja.

Më tej, sulmuesi shqiptar ka folur edhe për barazimin në frymën e fundit të Brighton-it, i cili i hoqi mundësinë që goli i tij ti sillte fitoren Southampton-it. “Padyshim që nuk është gjëja më e mirë për ne, por mendoj se performanca jonë e përgjithshme ishte vërtet e mirë. Mendoj se e kontrolluam lojën, e dominuam lojën, është për të ardhur keq të pranosh një gol në fund. Nuk është ajo që dëshironi. Ne vetëm duhet të vazhdojmë të ecim përpara, të përmirësohemi dhe të punojmë shumë. Është Premier League, gjithçka mund të ndodhë, është liga më e mirë në botë. Por ne thjesht do të vazhdojmë të ecim përpara dhe me mendjen te Arsenali javën e ardhshme”, ka thënë Armando Broja./Sport Ekspres/