Komuna e Vushtrrisë i ka dhënë tender prej 60 mijë eurosh, bashkëshortit të ish-drejtoreshës së Inspektimeve, Shqiponjë Mikushnica. Kontrata ka të bëj me zërim dhe ndriçim. Enver Mikushnica ka dal i pari në mesin e tre emrave që ofertuan për këtë tender.

Gazeta Insajderi

Në tenderin e hapur nga Komuna e Vushtrrisë për “Shërbime me Tenda, Zërim dhe Ndriçim” në garë ishin disa kompani që dhanë ofertat e tyre.

Kompania që u përzgjodh është ajo e “Enver Mikushnica B.I”, me çmimin e ofertës për njësi 1 mijë e 222 euro.

Ndërsa u lë anash kompania që kishte çmimin me të ulët prej 746 euro.

Mikushnica do marrë gjithsej 60 mijë euro për një vit.

Kjo nuk është hera e parë që bashkëshorti i ish drejtoreshës fiton tender në Vushtrri. Edhe në kohën kur Shqiponjë Mikushnica ishte drejtoreshë, burri i saj kishte fituar tender.

Në vitin 2022 ai kishte fituar një tender afro 1 mijë euro në rastin e organizimit të ditës se çlirimit për shërbime te zërimit dhe ndriçimit.

Lidhja e Mikushnicës me pushtetin në Vushtrri

Shqiponjë Mikushnica, bashkëshortja e Enver Mikushnicës, ishte pjesë e kabinetit të kryetarit të Vushtrrisë, Ferit Idiriz.

Ajo ishte drejtoreshë e Inspektimeve, ndërsa para një viti ishte liruar nga kjo pozitë.

Lidhur me ndikimin e mundshëm Insajderi ka pyetur vetë fituesin e tenderit, ai ka mohuar një gjë të tillë.

“Jo nuk ka pas ndikim, gjithçka ka shku në bazë të procedurave i kam pas dokumentat në rregull nuk është hera parë që fitoi tender”, tha ai.

Gazeta Insajderi i ka dërguar pyetje edhe Komunës së Vushtrrisë, por të njëjtit nuk kanë kthyer përgjigje./Insajderi.org/