Sajjad Gharibi, i njohur gjithashtu si ‘Hulku iranian’ dhe Djumanov Almat Bakhytovich, i cili njihet edhe si ‘Titani Kazak’, kanë nënshkruar kontrata për luftën e tyre në Dubai më 31 korrik.
Gharibi dhe Bakhytovich do të luftojnë në “P7 Arena” në Hotel Media One më vonë këtë muaj. Ylli i mediave sociale, Gharibi, i cili ka mbi një milion ndjekës në Instagram, do të bënte debutimin e tij në boks në prill kundër Martyn Ford, por lufta u anulua më vonë.
Iraniani ka shtyrë për një tjetër luftë në muajt e fundit dhe Mirror Fighting së fundmi njoftoi se nënshkroi një marrëveshje për t’u përballur me Bakhytovich.
Në një video të postuar nga Mostafa Hashemzehi, të dy Gharibi dhe Bakhytovich mund të shihen duke nënshkruar kontrata për përballjen në peshën super të rëndë. Gharibi tha gjatë nënshkrimit të kontratës, “Unë dua të luftoj në Dubai, do të vij dhe do ta shpartalloj Titanin”.
Bakhytovich nuk ndan të njëjtin popullaritet si rivali i tij i fortë në mediat sociale, me vetëm 24,000 ndjekës në Instagram. Ai e ka thirrur vazhdimisht Gharibin pasi lufta e tij me Fordin u anulua dhe tani ka marrë atë që kërkonte.
Përballja do të bashkëpromovohet nga kompania britanike Ëicked ‘N’ Bad, e cila më parë ka organizuar ngjarje të boksit.
Materialet e publikuara nuk mund të kopjohen ose përdoren pa lejen paraprake të redaksisë së Insajderit.
© 2016-2024 Gazeta Online Insajderi - Të gjitha të drejtat e rezervuara.
