Muharrem Jashari është ftuar nga Përfaqësuesja e Kosovës për ndeshjen kundër Spanjës, raporton Insporti.com.

Jashari është ftuar nga përzgjedhësi i Kosovës, Bernard Challandes pasi disa futbollistë të ftuar nuk do të munden të paraqiten ndaj Spanjës. 

Duke pasur parasysh se Lirim Kastrati dhe Besar Halimi nuk do të kenë të drejtë paraqitjeje në ndeshjen e radhës kualifikuese për Botërorin “Katari 2022” kundër Spanjës për shkak të pezullimit me kartonë, përzgjedhësi i Kombëtares, Bernard Challandes ka vendosur që për këtë ndeshje ta ketë në grumbullim mesfushorin e Dritës, Muharrem Jashari.

Dardanët, sot, do të kenë vetëm rigjenerim në hotel, pasi lojtarët që nuk u aktivizuan në ndeshjen e mbrëmshme ndaj Greqisë dhe ata që hyrën si zëvendësueses kanë bërë stërvitje mbrëmë pas ndeshjes.