Nënkryetarja e Partisë Demokratike të Kosovës, Vlora Çitaku i ka reaguar ministrit të Mjedisit, Planifikimit Hapësinorë dhe Infrastrukturës, Liburn Aliut i cili mbrëmë në një emision televiziv kishte deklaruar se Kosova është një projekt i përkohshëm, duke iu referuar aspiratës për bashkim me Shqipërinë.

Teksa Çitaku në reagimin e saj në Facebook, duke iu referuar ministrit Aliu, tha se “nuk mundesh me e dashtë Shqipërinë duke e urrejtë Kosovën”.

Sipas saj, qeveritë janë të përkohshme, derisa Kosova është e përjetshme.

“Nuk mundesh me e dashtë Shqipërinë duke e urrejtë Kosovën. Qeveritë janë të përkohshme. Kosova është e përjetshme”, tha Çitaku.