Një ngjarje e rëndë ka ndodhur dje në Graçanicë të Kosovës, ku një 34-vjeçare dyshohet se ka rënë nga kati i dytë i një hoteli dhe ka gjetur vdekjen. Bëhet fjalë për Artila Kamerin, shkruan Insajderi.

Për rastin është deklaruar edhe Policia e Kosovës përmes raportit 24 orësh.

Vdekjen e viktimës e ka konstatuar ekipi mjekësor.

“Graqanicë / 28.12.2023 – 03:23. Njësitet policore pasi kanë pranuar informatën se një person dyshohet se ka rënë nga kati i dytë i një hoteli, kanë dalë në vendin e ngjarjes dhe kanë gjetur viktimën femër e cila dyshohej pa shenja jete, ndërsa ekipi mjekësor ka konstatuar vdekjen e saj. Me vendim të prokurorit, trupi i pajetë i viktimës është dërguar në IML për obduksion. Rasti duke u hetuar”, thuhet në raport përcjell Insajderi.

E ndjera pas vetës ka lënë një vajzë.

Sot, Insajderi ka kërkuar përgjigje edhe nga Prokuroria për rastin se deri ku kanë shkuar hetimet, por të njëjtit deri tani nuk janë përgjigjur.

/Insajderi