Kryeministri Albin Kurti ka refuzuar t’u përgjigjet gazetarëve, lidhur me rishikimin e marrëveshjeve me Serbinë, ashtu siç ka premtuar në fushatë zgjedhore dhe para saj.

Gazetarja:  Kryeministër a e keni paraparë rishikimin e marrëveshjeve me Serbinë para fillimit të dialogut në Bruksel.

Kryeministri: Për çështje të tjera flasim në kryeministri ose institucione të tjera.

Kurti ka refuzuar përgjigjen derisa ka bërë homazhe te varri i heroit Agron Rrahmani.

Kujtojmë se pas pak ditësh, kryeministri Kurti mund të udhëtojë në Bruksel ku do të ketë një darkë të ftuar nga Përfaqësuesi i Lartë i BE-së, Josep Borrell me liderët e Ballkanit Perëndimor.

Para kësaj darke, Borrell ka thënë se ‘Bashkimi Evropian ka një problem të madh gjeopolitik’ në Ballkanin Perëndimor.