Kandidati për deputet nga radhët e Aleancës për Ardhmërinë e Kosovës, Daut Haradinaj, ka përkujtuar dëshmorët dhe martirët e rënë heroikisht në fshatrat e Gjakovës, saktësisht në Bishtazhin, Goden dhe Rogovë të Hasit, në fundin e janarit të vitit 1999, shkruan Insajderi.

Ky rrugëtim, sipas tij njihet si rrugëtimi më i përgjakshëm i UÇK-së në Dukagjin, ku ato ditë pothuajshe burrat më të mëdhenj të Dukagjinit ishin në rresht, secili më trim se tjetri, secili më guximtar e të gatshëm për sakrificë.

Shkrimi i plotë:

Datat 27, 28, 29 janar të vitit 1999, ishin ditë të rënda për vendin tonë. 21 dëshmorë dhe 9 martirë ranë heroikisht në fshatrat e Gjakovës, saktësisht në Bishtazhin, Goden dhe Rogovë të Hasit.

Ky rrugëtim, njihet si rrugëtimi më i përgjakshëm i UÇK-së në Dukagjin, atë ditë pothuajshe burrat më të mëdhenj të Dukagjinit ishin në rresht, secili më trim se tjetri, secili më guximtar e të gatshëm për sakrificë.

“Përgjithmonë përulemi para veprës së tyre dhe gjithmonë kujtojmë emrat e tyre: Agron Rama, Agim Zeneli, Sejdi Rama, Agush Gjocaj, Bahtiar Morina, Daut Kelmendi, Emrush Çetaj, Gaspër Karaqi, Gëzim Ademaj, Hamdi Berisha, Haxhi Kleçka, Ilir Merturi, Kasim Shala, Luan Smajli, Vëllezërit Memë e Prend Lleshi, Naim Dreshaj, Naim Gashi, Sahit Krasniqi, Valon Gashi dhe Vesel Avdyli.

Lavdi!