Mesfushori belg Kevin De Bruyne dhe sulmuesi norvegjez Erling Haaland kanë punuar së bashku pa probleme dhe vazhdimisht, që nga ardhja e sulmuesit shtatlartë në Manchester City.
Një gazetar norvegjez e pyeti mesfushorin në konferencën për shtyp përpara finales së Champions League me Interin, nëse ishte “dashuri me shikim të parë” mes tyre?
Asi belg iu përgjigjur menjëherë: “Jo, jo, jo…Jam i lumtur me gruan time!” (qesh). Dhe më pas shton: “Ndonjëherë, si kjo, ndjehesh me një lojtar dhe e kupton se çfarë dëshiron.
Ai shënon vazhdimisht, me shpejtësi të jashtëzakonshme, përshtatet lehtësisht me ekipin. Edhe në ndeshjet e fundit (pa shënuar), ai luajti një rol të rëndësishëm në nivele të ndryshme. Shpresoj që ai të vazhdojë të bëjë atë që po bën”.