Gjatë emisionit Pressing të T7, ku është diskutuar për Milan Radojçiqin, personin që ka marrë përgjegjësinë për sulmin terrorist të 24 shtatorit, ka pasur debat rreth grupit që sulmoi Policinë e Kosovës.

Astren Hoxha, avokat, ka pretenduar se ky grup ka qenë i organizuar mirë, si dhe i papërgatitur, meqë ai iu referohej profesioneve të anëtarëe të këtij grupi.

“Ka pasur valltarë e njeri që ka punuar në pompë të benzinës”, tha Hoxha.

Deklaratat e tij ngjallën debat, teksa gazetari Parim Olluri, e pyeti sesi një miliarder si Radojçiq merr me vete njerëz të papërgatitur.

”Çfarë i duhet një miliarderi si Radojçiqi me i vesh çizmet, edhe me dal te Blanska. Qysh mendon ti që një miliarder me 5 milionë furnizime edhe merr njerëz të papërgatitur, valltarë me vete”, ka thënë ai.

Hoxha ia ktheu Olllurit duke i thënë “pyete Radojçiqin”.

“Jo po të pyes ty”, ia ktheu Olluri.