Valbona Mema sonte ka qenë prezente në studion e Big Brother VIP Albania.

Këngëtarja Mema ka thënë se për të gjithë banorët do e marri malli ndërsa i quajti ata si familjen e saj.

Pavarësisht debatit që pati së fundmi me Luizin, banor me të cilin ajo ka qenë shumë e afërt nga fillimi, këngëtarja Mema tha fjalët më të mira për të.

“Luizin e kam parë si djalë, si vëlla, do kemi raport shumë të mirë edhe jasht. Mëngjeset i kaloja me të, më këshillonte ani pse kishte dy muaj e sulmonin, gjente kohën”, tha ish-banorja e Big Brother VIP Albania.

Valbona Mema la shtëpinë e Big Brother VIP Albania në mes të kësaj jave, pasi asaj iu komunikua se gjendja shëndetësore e motres së saj ishte përkeqësuar.